महेश सिंह लहान – श्री राष्ट्रिय आधारभूत विद्यालय, सीतापुरमा कार्यरत विज्ञान शिक्षक राजकुमार महतोको सम्मानसहित भव्य बिदाइ समारोह सम्पन्न भएको छ।
शिक्षक सेवा आयोगद्वारा लिइएको निम्न माध्यमिक तह विज्ञान विषयको परीक्षा उत्तीर्ण गरी बागमती प्रदेश अन्तर्गत चितवन जिल्लाको माडी नगरपालिकास्थित उच्च माध्यमिक विद्यालयमा सिफारिस भई स्थायी सेवामा प्रवेश गर्न सफल भएपछि विद्यालय परिवारले उहाँको बिदाइ कार्यक्रम आयोजना गरेको हो।
कार्यक्रममा वक्ताहरूले शिक्षक महतोले विद्यालयमा रहँदा शैक्षिक गुणस्तर सुधार, विद्यार्थीमैत्री शिक्षण पद्धति र अनुशासित शिक्षण वातावरण निर्माणमा महत्वपूर्ण योगदान पुर्याएको उल्लेख गरे। साथै उहाँको योगदानप्रति आभार व्यक्त गर्दै आगामी शैक्षिक यात्राका लागि सफलताको कामना गरे।
बिदाइ समारोहमा विद्यालय प्रशासन, शिक्षक–शिक्षिका, विद्यार्थी तथा अभिभावकहरूको उल्लेखनीय उपस्थिति रहेको थियो। कार्यक्रममा सहभागीहरूले शिक्षक महतोको उज्ज्वल भविष्यको कामना गर्दै बधाई तथा शुभेच्छा व्यक्त गरेका थिए।
विद्यालय परिवारले शिक्षक महतोको आगामी सेवायात्रा सफल, प्रेरणादायी र गौरवपूर्ण रहोस् भन्ने शुभकामनासमेत व्यक्त गरेको छ।
